今日帶芊嶠去左鑽石山荷里活廣場，參加由STRIDER舉辦既「追風學堂」。只要係商場單一消費滿$200，就可以參加，禁岩今日有朋友黎搵我地食晏，禁又過$200，就拎左張單去幫芊嶠報名。
入到去就會有人幫你選擇岩小朋友既頭盔，再幫佢地戴好，再去另一到有哥哥幫小朋友選平衡單車，再幫佢地調較到適合佢地既高度。之後等齊小朋友，佢地帶住自己既平衡單車，係賽道起點，有哥哥會教大家點玩平衡單車。
開始後，芊嶠冇理其他哥哥姐姐，佢自己一味係到行，但唔係坐係到行，係企係到推住架車行，佢唔識玩，教佢住係到行佢行行下又會企返起身！到玩第二圈個陣，佢就話唔玩，所以我地就走左，但都會有返張證書，同埋小禮物
一份，我諗芊嶠最開心係拎到盒Thomas朱古力夾心餅！
我覺得個活動都幾好，可以比小朋友試玩下，禁嶠媽就會諗，暫時都係唔會買平衡單車比芊嶠試，因為佢都唔係好有興趣！
Search